Во медиумите се појавија детали за последните моменти пред судирот на патнички авион на Американ ерлајнс и воен хеликоптер Блек Хок во близина на националниот аеродром Реган во Вашингтон.
Неколку минути пред планираното слетување, контролорите на летот го прашале екипажот на авионот дали може да слета на пократката писта на аеродромот, пренесува новинската агенција Асошиејтед прес.
Пилотите одговориле да и контролорите ги ослободиле да слетаат на пистата 33. На помалку од 30 секунди пред падот , еден од контролорите го прашал пилотот на хеликоптерот дали може да го види авионот.
Контролорот направи уште еден повик до хеликоптерот неколку моменти подоцна. Меѓутоа, тогаш дошло до судир.
Податоците што ги пренесува транспондерот на авионот пред падот покажуваат дека авионот во моментот на падот се наоѓал на височина од околу 120 метри и се движел со брзина од 225 километри на час.
Audio from air controllers during the crash at Reagan airport.
The controller asks the helicopter if it sees the plane—the one that it crashed into.
Then, the “oh shit” moment: controllers react to the collision and pass instructions to other planes.
— Ben Yturri (@BenYturri) January 30, 2025