Украинскиот претседател Володимир Зеленски се огласи на социјалните мрежи по кратката средба со својот американски колега, Доналд Трамп.
Зеленски и Трамп накратко разговараа во базиликата „Свети Петар“ во Ватикан, пред погребот на папата Франциск.
Неверојатните фотографии од двајцата светски лидери, како седат на два стола еден спроти друг, станаа вирални, а Зеленски беше доста краток во својата објава по средбата.
Зеленски рече дека средбата со Трамп била „многу симболична средба“ која има „потенцијал да стане историска, ако постигнеме заеднички резултати“.
„Се надевам на резултати во сè што разговаравме. Заштита на животите на нашите луѓе. Целосно и безусловно прекин на огнот. Сигурен и траен мир што ќе спречи избувнување на уште една војна“, рече Зеленски.
Тој ја заврши својата објава на X заблагодарувајќи му се на американскиот претседател.
Да потсетиме, се зборуваше дека Трамп и Зеленски ќе разговараат во текот на денот, но пред неколку минути стигна вест дека Доналд и Меланија го напуштиле Рим, па затоа не е јасно дали воопшто се одржала втора средба.
Good meeting. We discussed a lot one on one. Hoping for results on everything we covered. Protecting lives of our people. Full and unconditional ceasefire. Reliable and lasting peace that will prevent another war from breaking out. Very symbolic meeting that has potential to… pic.twitter.com/q4ZhVXCjw0
— Volodymyr Zelenskyy / Володимир Зеленський (@ZelenskyyUa) April 26, 2025