Општина Аеродром и кошаркарскиот клуб „МЗТ Скопје – Аеродром“ вечерва во 19:00 часот организираат традиционална средба со шампионскиот тим на платото пред хотелот „Русија“, како дел од прославата на дванаесеттата титула на клубот.
„Ова е одлична можност за сите љубители на кошарката да се сретнат со своите спортски херои, кои уште еднаш ја одбранија бојата на клубот и ја исполнија Општина Аеродром со гордост“, истакнуваат од Општината.
На настанот се очекува потпишување автограми, заедничко фотографирање, музичка програма и незаборавна атмосфера. Настанот е отворен за сите – навивачи, семејства, деца и сите граѓани кои сакаат да бидат дел од ова спортско славје.
МЗТ Скопје – Аеродром неодамна ја освои својата 12-та шампионска титула во домашното првенство, зацврстувајќи ја својата позиција како најуспешен кошаркарски клуб во Македонија во последната деценија.