Главната сцена на фестивалот Tomorrowland во Белгија е зафатена од огромен пожар само два дена пред почетокот на првиот викенд на еден од најголемите музички фестивали во светот.
#breaking!! #tomorrowland is on #fire right now pic.twitter.com/iWO0QAHNqt
— Javier Churich (@JaviChurich) July 16, 2025
На социјалните мрежи се појавија снимки на кои се гледа пожар на структурата на главната сцена на белгискиот фестивал, додека локалните медиуми известуваат дека службите за итни случаи се на местото на настанот во голем број.
I don’t think Tommorowland is happening this year pic.twitter.com/xGBxMpJsLZ
— 1S Swix (@SwixVL) July 16, 2025
Локалниот новински медиум GVA вели дека властите им советуваат на жителите да ги затворат прозорците и вратите поради чадот што се шири низ областа. Досега нема пријавени повредени бидејќи посетителите сè уште не пристигнале, а британскиот Mirror известува дека околу 1.000 вработени биле на лице место во времето на пожарот, кои биле вклучени во подготовките за фестивалот.
🔥 BREAKING: A massive fire has engulfed the main stage of the Tomorrowland music festival in Belgium, just days before the event kicks off on Friday.#Fire#Belgium#Friday#Tommorowland #MusicFestival pic.twitter.com/J0ANLLevKH
— Lumi Watch (@Lumibunnyy) July 16, 2025
Фотографиите и видеата објавени од GVA и корисниците на платформата X (поранешен Twitter) го покажуваат обемот на пожарот, но сè уште не е познато колку штета е направена и дали инцидентот ќе влијае на фестивалот.
Tomorrowland е еден од најголемите и најпознатите фестивали за електронска музика во светот, а оваа година се очекува повеќе од 70.000 посетители дневно да поминат низ портите на фестивалот. Првиот викенд од фестивалот е закажан да започне овој петок.