Патничкиот ферибот KM Barcelona VA, кој пловел од островите Талауд до Манадо, се запалил покрај брегот на Северен Сулавеси, објави британскиот The Sun, повикувајќи се на службата за пребарување и спасување во Манадо.
На бродот имало 280 патници, а пожарот ги принудил луѓето да скокнат во морето за да избегаат од пламенот.
Според локалните власти, до 16:00 часот по локално време се потврдени четири смртни случаи, но бројот на жртви може да биде поголем. Спасувачката операција сè уште е во тек: околу 150 луѓе се извлечени од морето од службите за итни случаи и локалните рибари. Останатите патници се водат како исчезнати.
#BREAKING
— Nabila Jamal (@nabilajamal_) July 20, 2025
Passengers jump overboard as massive fire engulfs ferry in Indonesia
Terrifying scenes from Indonesia after a fire broke out on the KM Barcelona VA passenger ship near Talise Island, North Sulawesi
Over 280 people onboard, panic-stricken passengers some with children… pic.twitter.com/wwKOHlAz6z
Бродовите KM Barcelona III, KM Venecian и KM Cantika Lestari 9F беа испратени на местото на несреќата, а причината за пожарот сè уште не е утврдена.
Фериботите во Индонезија често имаат проблеми поради застарена опрема и слаби безбедносни контроли, додава The Sun.