Најмалку четири лица се убиени, а повеќе од 500 се уапсени откако протестите во Ангола поради зголемувањето на цените на горивата се претворија во насилни судири со полицијата.
Немирите започнаа во понеделникот и вклучуваа судири со полицијата откако владата објави дека ќе ја зголеми цената на дизелот за да го намали притисокот од субвенциите врз јавните финансии, објави Ројтерс.
🔴ANGOLA 🇦🇴| Le pays est secoué par l'une des plus importantes vagues de protestation. Contre la hausse des prix à la pompe, des milliers de citoyens sont dans la rue, bloquant des routes, pillant des magasins et détruisant des voitures. Des affrontements avec la police signalés. pic.twitter.com/2MsuVPTfkh
— Nanana365 (@nanana365media) July 29, 2025
Како одговор на тоа, локалните такси здруженија во главниот град Луанда ги зголемија цените на билетите за 50 проценти и започнаа тридневен штрајк, за време на кој избувна насилство.
Според портпаролот на полицијата, Матеус Родригез, уапсени се повеќе од 500 лица, додека продавници, банки и некои бизниси биле ограбени и вандализирани.
Родригез изјави дека во Луанда сè уште има спорадични немири и дека околу 45 продавници и 20 јавни автобуси се оштетени.
Такси здружението АНАТА се дистанцира од насилните немири, но објави дека нивниот штрајк ќе продолжи според планот.
„Стана јасно дека гласот на таксистот ги одразува протестите на анголскиот народ“, се вели во соопштението на АНАТА.
🔴ANGOLA 🇦🇴| Four people were killed, police said, and more than 500 arrested after violent demonstrations in the capital #Luanda against rising petrol prices. What began as a 3-day strike by taxi drivers has turned into one of a massive wave of protest #Angola has seen in years. pic.twitter.com/zNGa2MAb6F
— Nanana365 (@nanana365media) July 29, 2025
Ангола е еден од најголемите производители на нафта во Африка, но земјата нема доволно рафинерии за да ја задоволи домашната побарувачка, па затоа мора да увезува дизел и бензин по високи цени, објаснува „Еуроњуз“.
Субвенциите за гориво постепено се намалуваа во земјата во текот на изминатата година, а протестите поради зголемувањето на цената на бензинот во 2023 година, исто така, завршија со смртни случаи.