Месечната прогноза за август укажува на променлив почеток и значително потопол крај на месецот низ цела Европа. По постудените денови и продирањето на постуден воздух во централна Европа, се очекува враќање на суптропскиот гребен, што би можело да создаде услови за уште еден интензивен топлотен бран, предупредува Severe Weather Europe.
Летото се ближи кон крајот, но топлотните бранови не попуштаат
Метеролошкото лето – јуни, јули и август – влегува во својата последна третина. Досегашните анализи покажуваат изразен контраст помеѓу сувиот и топол југ и понестабилниот и облачен север од континентот. Температурите честопати надминувале 40 °C во западно-централна Европа, а топлотните бранови дури стигнале и до Скандинавија.
Суша во јужна Европа, бури на север
Голем дел од јужна и делови од централна Европа добиле само 10-15% од вообичаената количина на врнежи. Северот и истокот, погодени од системи со низок притисок, бележат почести бури и поголеми количини на дожд. Се забележува јасна шема на суша, која сè повеќе влијае на јужната половина од континентот, известува Severe Weather.
Прва недела од август: Ладно, со повеќе врнежи на север
Почетокот на август ќе биде обележан со пенетрација на постуден воздух во централна Европа и развој на силен систем со низок притисок над северозапад. Врнежи се очекуваат во делови од Скандинавија и околу Алпите. Поголемиот дел од западна и источна Европа ќе остане сув и ладен.
Средината на август: Топлината се враќа, врнежите се намалуваат
Во втората недела од месецот, притисокот над континентот повторно се зголемува. Топлината се враќа, особено над централна и западна Европа, додека постуденото време продолжува на север. Доминира антициклон и речиси нема дожд, освен на далечниот север.
Недела 3: Ширење на топлотниот бран
Прогнозата е за класичен модел на топлотен бран – силен висок притисок над запад и низок притисок над север и исток. Ова значи уште повисоки температури и продолжување на топлотниот бран, со ретки врнежи надвор од далечниот север на Европа.
Крај на месецот: Постојано топло, но можна е промена
Последната недела од август носи потенцијал за мало навлегување на постуден воздух кон централна Европа, но високиот притисок над запад продолжува да одржува надпросечна топлина. Се очекуваат многу малку дожд, особено во централните и јужните делови на континентот.
Август завршува со суша
Доколку прогнозата се оствари, Европа ќе биде погодена од нов силен топлотен бран во втората половина на август, со силна суша и стабилни временски услови. Прогнозата е долгорочна, но засега покажува јасен и загрижувачки тренд.