Колумбискиот претседателски кандидат Мигел Урибе почина два месеци откако беше ранет на предизборен митинг, објави неговата сопруга во понеделник наутро.
Урибе беше застрелан во главата на предизборен митинг.
- Секогаш ќе бидеш љубовта на мојот живот. Ти благодарам за живот исполнет со љубов. Почивај во мир, љубов на мојот живот. Ќе се грижам за нашите деца – напиша Марија Клаудија Таразона на својот Инстаграм профил, пренесува АФП.
Колумбискиот претседателски кандидат е повторно во критична состојба откако доживеа уште еден мозочен удар како резултат на обид за атентат, соопшти клиниката што го лекува во саботата.
Мигел Урибе, 39-годишен конзервативен кандидат, беше ранет три пати, двапати во главата, за време на митинг во работничка населба во главниот град Богота на 7 јуни.
Властите уапсија шест осомничени во врска со нападот, вклучувајќи 15-годишник осомничен за извршување на пукањето, и ја посочија дисидентската група на поранешната герилска ФАРК како можни организатори.
До средината на јули, Урибе покажуваше знаци на подобрување и започна неврорехабилитација по неколку операции.