Белата куќа објави фотографија од Овалната соба на која се гледа како американскиот претседател Доналд Трамп разговара по телефон со рускиот претседател Владимир Путин.
Телефонскиот разговор Трамп-Путин се одржа по завршувањето на средбите што американскиот претседател ги имаше вчера, понеделник, 18 август, со украинскиот претседател и со лидерите на Франција, Германија, Велика Британија, Италија, Финска, Европската Унија и НАТО.
На фотографијата е прикажан американскиот претседател со неговите блиски соработници, како што е државниот секретар Марко Рубио.
Погледнете ја фотографијата објавена од Белата куќа:
Во исто време, понекогаш мора да се биде многу… внимателен дури и кога мислиме дека микрофоните се исклучени. Зборливиот Доналд Трамп му кажува на Емануел Макрон што мисли за Владимир Путин .
Кратко пред почетокот на состанокот со Володимир Зеленски и европските лидери за Украина во Белата куќа, Доналд Трамп му рече на францускиот претседател , осврнувајќи се на Владимир Путин: „Мислам дека сака да склучи договор за мене. Разбираш? Колку и да звучи лудо тоа“.
Не е тајна дека американскиот претседател чувствува одредена симпатија, дури и восхит, кон својот руски колега. Неговата изјава сведочи за неговото верување дека тие имаат блиски односи.