Хаос на лет на „Рајанер“: Двајца патници почнаа да си ги јадат сопствените пасоши

Двајца мажи на лет на „Рајанер“ предизвикаа целосен хаос и паника кога почнаа да ги јадат сопствените пасоши кратко по полетувањето. Инцидентот се случил на лет од Милано до Лондон минатиот викенд, а еден патник го опишал инцидентот како „најстрашните 15 минути во мојот живот“, објавува „Дејли Стар“.

Шок откако се појавил знакот за појас

Нормалното патување се претворило во кошмар откако се појавил знакот за појас. Анонимен патник раскажал како се одвивало сè.

„Всушност, авионот полетал и 15-20 минути по полетувањето, кога се појавил знакот за појас, се случило нешто многу чудно на предниот дел од авионот“, рекол тој. „Персоналот бил известен и отишол да види што се случува. Одеднаш целото расположение се променило – никој во авионот не знаел што е тоа и овие луѓе се однесувале чудно.“

Обид за уништување на документи

Според сведоците, еден од мажите почнал да кине страници од неговиот пасош и да ги јаде. Во меѓувреме, неговиот придружник отишол во тоалетот на другиот крај од авионот за да се обиде да „го фрли пасошот во тоалетот“.

Ова предизвикало уште поголема паника. Стјуардесата треснала на вратата и го молела да ја отвори, но човекот одбил. „Тоа довело до уште поголема тензија“, додаде изворот. „Стјуардесата потоа дала јавно соопштение кое било толку директно и јасно. Ги исплашило луѓето уште повеќе. Никој не знаел што се случува“.

Присилно слетување и апсење

Поради итната состојба, авионот бил пренасочен кон Париз. По безбедното слетување, француската полиција се качила во авионот и ги уапсила двајцата мажи.

Целиот процес, кој вклучувал целосен преглед на багажот, траел два часа, по што авионот продолжил кон Лондон. Патникот го пофалил персоналот на Рајанер за нивната смиреност и професионализам. „Мислам дека Рајанер беа брилијантни во справувањето со ситуацијата на одреден начин. Тие делеа пијалоци кон крајот на летот додека се спуштавме“, рече тој. „Беше навистина стресно, но „Рајанер“ се справи неверојатно. Многу сум среќен што слетав.“