Апелациониот суд во Париз го ослободи од затвор поранешниот француски претседател Никола Саркози. Саркози ќе биде ослободен денес и ќе биде ставен под судски надзор.
Апелациониот суд во Париз го прифати барањето за ослободување на Саркози, кој е во затворот Ла Санте во Париз од 21 октомври.
Поранешниот француски претседател е ставен под судски надзор.
„Судот го прогласува барањето за ослободување за прифатливо и ве става под судски надзор“, рече претседателот на Апелациониот суд.
Уверувајќи го судот дека треба да биде ослободен, Саркози му рече на судијата: „Сакам сите да бидат убедени во едно: никогаш немав луда идеја да побарам од г-дин Гадафи какво било финансирање. Никогаш нема да признаам нешто што не сум го сторил“, рече тој пред да разговара за условите на неговиот притвор.