Поранешната потпретседателка на Соединетите Американски Држави, Камала Харис, го повика претседателот на Соединетите Американски Држави (САД) Доналд Трамп да ги објави досиејата за Џефри Епштајн, сексуалниот престапник обвинет за водење мрежа на малолетни девојки за секс.
За време на гостувањето во подкастот „The Bulwark“, Харис побара Трамп да преземе мерки во врска со досиејата на Епштајн и додаде дека сегашниот американски претседател го манипулира американскиот народ кога вели дека не може да ги објави досиејата без одобрение од Конгресот.
„Објавете ги досиејата. Тој е претседател на Соединетите Американски Држави, шеф на извршната власт. Тој презеде еднострани дејствија без да се грижи за трите рамноправни гранки на власта во речиси сè што направи, затоа објавете ги досиејата“, рече Харис, според Фокс њуз.