Необична сообраќајна несреќа се случи на јужниот автопат I-95 во Кока, Флорида, кога мал приватен авион удри во задниот дел на Тојота Камри што се движела во иста насока, пренесува „Њујорк пост“. Инцидентот се случил околу 17:45 часот, соопшти Флоридската автопатска патрола.
Снимки од камерата во автомобилот покажуваат како авионот, во обид за итно слетување, се урнал на прометниот автопат и го погодил автомобилот. Авионот се одби од задниот дел на Тојотата пред да падне на страна, додека од местото на ударот летале искри.
57-годишната жена што управувала со автомобилот била пренесена во локалната болница и, за среќа, претрпела само полесни повреди. Пилотот, 27-годишник од Орландо, и неговиот 27-годишен патник од Темпл Терас не се повредени, а останале на местото на настанот, потврдија официјални лица.
Сведоци на несреќата, Џим и Питер Кофи, ја опишаа драматичната сцена: „Само го видовме авионот како паѓа од небото. Помисливме дека можеби ќе се сврти и нема да удри автомобилот, но – бум – тркалото директно го удри задниот дел од автомобилот“, изјави Џим Кофи.
Снимките покажуваат тресење на багажникот на автомобилот и оштетување на носот и тркалото на авионот.
A small plane made an emergency landing on southbound I-95 in Florida around 5:45 p.m. on Monday, crashing into a car and injuring at least one person, according to Florida Highway Patrol and local fire officials.
— The Siasat Daily (@TheSiasatDaily) December 10, 2025
Video from the scene shows the aircraft descending onto the… pic.twitter.com/b0heuCjtrW
Федералната администрација за авијација (FAA) ќе ја испита причината за принудното слетување, додека Флоридската автопатска патрола ќе ја истражи самата несреќа.