Планината Етна на островот Сицилија покажа нови знаци на активност, исфрлајќи црвено-жежок материјал и мали количини пепел од својот североисточен кратер, соопшти Националниот институт за геофизика и вулканологија на Италија.
Во објава на социјалните мрежи се вели дека облакот од ерупцијата бил разнесен кон североисток од ветровите, а помали количини пепел биле забележани во градот Таормина и Пијано Провенцана, област во која се наоѓаат скијачки центри.
Спорадични експлозии биле забележани и во кратерот Бока Нуова, каде што црвено-жежок материјал бил исфрлен неколку десетици метри над работ на кратерот, додаде институтот.
Регионалната агенција за цивилна заштита привремено го зголемила нивото на тревога за да укаже на голема веројатност за лава.
Планината Етна, најактивниот вулкан во Европа, кој се издига на околу 3.400 метри, понекогаш еруптира неколку пати годишно и е под постојан надзор.