Во напад врз нафтен терминал во близина на селото Волна во рускиот Краснодарски крај загинаа две лица, соопшти доцна вечерва гувернерот на регионот, Венијамин Кондратиев.
„Нафтениот терминал во моментов гори, погодени се четири резервоари со нафтени производи. 29 единици опрема и 97 лица, вклучувајќи ги и припадниците на руското Министерство за вонредни ситуации, се ангажирани во отстранувањето на последиците“, рече Кондратиев.
On Wednesday evening, Ukraine carried out strikes on the Tamanneftegaz oil and gas terminal located near the settlement of Volna in Krasnodar Krai, southern Russia.
A video below shows the activity of Russian air defenses in the area and the moment of one of the Ukrainian… pic.twitter.com/GBEXwOiJx1— Status-6 (War & Military News) (@Archer83Able) January 21, 2026
Тој додаде дека ова е втора ноќ по ред како Краснодарскиот крај е нападнат. Ноќта од вторник кон среда, беспилотно летало ја погоди рафинеријата Афипски. Во објектот избувна пожар. Таа е една од најголемите рафинерии во јужна Русија и претходно била цел на напади со беспилотни летала. Пожари се пријавени таму и по нападите во септември и ноември минатата година.
Украина ги смета руските енергетски објекти за воени цели бидејќи тие директно ја финансираат војната на Русија против Украина. Киев редовно извршува напади длабоко на руска територија со цел да ги ослабне воените капацитети на Кремљ.