Министерството за образование и наука ги повикува сите засегнати страни да учествуваат во креирањето на новите законски решенија за високото образование и за обезбедување квалитет во науката. Предлог-законите се веќе достапни на владиниот ЕНЕР-систем, каде граѓаните и институциите можат да доставуваат свои забелешки и сугестии.
Дополнително, коментари за подобрување на текстот на законите можат да се испратат и на наменските електронски адреси:
- За Законот за високо образование: komentarizvo@mon.gov.mk
- За Законот за обезбедување квалитет во високото образование и науката: komentarizkvon@mon.gov.mk
Од министерството нагласуваат дека образованието е заедничка општествена одговорност и ги охрабруваат сите заинтересирани субјекти да дадат свој придонес. Целта е донесување на квалитетни законски решенија кои ќе овозможат развој на образовниот систем и на научноистражувачката дејност во земјава.