Иранската револуционерна гарда денес соопшти дека шефот на нивната разузнавачка служба, Маџид Хадеми, е убиен во напади изведени од САД и Израел.
Портпаролот на иранскиот Генералштаб истакна дека како одговор на овие напади, Техеран таргетирал претежно енергетски објекти на Блискиот Исток поврзани со САД и Израел.
Според соопштението на Иранската револуционерна гарда, Хадеми имал пет децении искуство и играл значајна улога во иранскиот разузнавачки и безбедносен апарат.
Меѓународната новинска агенција Ројтерс наведува дека иранските државни медиуми потврдиле дека Хадеми е мртов, но не објавиле дополнителни детали за околностите на неговата смрт.