Американскиот претседател Доналд Трамп денес упати најстрога закана до Иран досега. Тој објави на својата социјална мрежа Truth Social и се закани дека „целата цивилизација ќе умре вечерва и никогаш нема да се врати“.
„Не сакам тоа да се случи, но веројатно ќе се случи. Сепак, сега кога имаме целосна и тотална промена на режимот, во која ќе преовладаат различни, попаметни и помалку радикализирани умови, можеби може да се случи нешто револуционерно добро, КОЈ ЗНАЕ? Ќе дознаеме вечерва, во еден од најважните моменти во долгата и сложена историја на светот“, напиша тој, меѓу другото.
Трамп вчера повторно го продолжи рокот за Иран да постигне договор или да го отвори Ормутскиот теснец, овој пат од понеделник до денес. Во најновото од серијата одложувања, тој се закани дека ако нема договор, Иран ќе „чека пекол“.
Пристапот на Трамп во последните недели е обележан со остри осцилации помеѓу жестоките закани, најавените одложувања и изјавите за добар напредок во преговорите, понекогаш во рамките на истото обраќање. Иранската државна новинска агенција ИРНА вчера објави дека Техеран го отфрлил најновиот предлог за прекин на огнот, по што Трамп издаде злокобно предупредување, велејќи дека рокот е конечен во вторник во 20 часот.