Министерството за образование и наука, во соработка со Центарот за трансфер на технологии и иновации ИНОФЕИТ при Факултетот за електротехника и информациски технологии во Скопје, ја унапредува примената на Е-дневникот со воведување на чет бот.
Развиеното напредно софтверско решение претставува чет бот, базиран на архитектурата RAG (Retrieval-Augmented Generation). Овој чет бот е интегриран во системот на Е-дневникот и овозможува:
- Интелигентно пребарување на информации
- Генерирање прецизни одговори на сите прашања на корисниците
Чет ботот нуди многу бенефити за корисниците, вклучително:
- Поефикасна и побрза обработка на документацијата
- Создавање на сеопфатна база на знаење за користење на системот на македонски и албански јазик
- Лесен пристап до релевантни информации и поддршка
Системот е успешно имплементиран и хостиран на безбедна облак-платформа, со применети механизми за заштита и контрола на содржината. Воедно, воспоставен е и систем за мониторинг и оптимизација кој овозможува следење на перформансите и анализа на употребата.