Македонија ја очекува уште еден ден со високи температури и сончево време, при што живата во термометрите во одделни делови од земјата ќе се искачи до 38 степени Целзиусови. Надлежните препорачуваат граѓаните да бидат внимателни поради жештините и да избегнуваат изложување на сонце во најтоплиот дел од денот.
Според Управата за хидрометеоролошки работи, денеска (28 јуни) времето ќе биде претежно сончево и топло, со мала до умерена локална облачност.
Утринските температури ќе се движат од 14 степени, додека дневните ќе достигнат до 38 степени, што го прави денот еден од најтоплите во овој период.
Ќе дува слаб до умерен ветер, во западните делови претежно од источен правец, а во источните подрачја ветерот ќе биде од променлив правец.
Во Скопје ќе преовладува сончево и топло време со мала до умерена облачност и слаб до умерен ветер од јужен правец.
Поради високите температури, се препорачува граѓаните да внесуваат доволно течности, да носат лесна и светла облека и да избегнуваат подолг престој на директно сонце, особено во периодот од 11 до 17 часот.