Осуден убиец е прогласен за виновен за речиси идентично убиство, само три години откако бил пуштен од затвор во Романија.
Еуџениу Неамту (59), познат како Џими, бил осуден во 2007 година во неговата родна Романија на затворска казна за убиство, откако за време на пијана расправија за пари го убодел својот цимер со нож во градите.
Обвинител: Зачудувачки сличности Тој бил пуштен на слобода во 2023 година и се преселил во Валтамстоу во источен Лондон, каде што, според тврдењата на обвинителството, на 20 февруари оваа година го убил сонародникот Георге Трика (63) во „зачудувачки слични“ околности, пишува Скај њуз.
Обвинителот Филип Еванс на судењето изјавил дека тие двајца се скарале во заедничкиот стан, по што Неамту му задал смртоносен убод во градите на Трика. Неамту го негирал убиството, но по три часа веќење поротата го прогласила за виновен.
„Обвинителството во овој случај се потпира на претходната пресуда поради зачудувачките сличности меѓу околностите на тоа кривично дело и она за кое сега сте повикани да одлучите на ова судење. Во двата случаи обвинетиот учествувал во пијана расправија со познаник за пари. Во двата случаи зел нож од куќата. Во двата случаи го убодел другиот маж во градите. Во двата случаи подоцна тврдел дека постапувал во самоодбрана“, изјавил Еванс.
Казната ќе биде изречена дополнително На судот му било кажано дека во август 2006 година во Романија, Неамту пиел сливовица со својот цимер Адријан Васа, по што се скарале за киријата и домашните работи. Неамту зграпчил нож и неколкупати го убодел Васа во градите, а бил прогласен за виновен за убиство откако судот го отфрлил неговото тврдење дека постапувал во самоодбрана.
Трика исто така бил убоден во градите откако се скарал со Неамту во нивниот заеднички стан, а било слушнато како му рекол на убиецот: „Врати ми ги тие пет фунти“.
На фотографијата е Георге Трика.
Трика се срушил на заедничкиот балкон пред влезната врата од станот и починал на лице место, додека Неамту бил забележан како фрла нешто преку огладата. Оружјето со кое било извршено убиството, нож со црна рачка, било пронајдено во градината.
По апсењето, Неамту во подготвените изјави тврдел дека Трика му се заканувал дека ќе го убие, дека го турнал по скалите и дека со прст преминал преку вратот, имитирајќи пресекување на гркланот. Рекол дека го зел ножот од кујната за да го „преплаши“ Трика и дека го убодел во градите за да се заштити. Неамту е задржан во притвор, а казната ќе му биде изречена дополнително.