Балкан

Пожар на траект во Грција, евакуирани 29 лица

Пожар на траект во Грција, евакуирани 29 лица

Денес избувна голем пожар на товарно-патничкиот брод „Blue Carrier 2“ додека пловеше северно од грчкиот остров Миконос; сите 29 лица на бродот – 28 членови на екипажот и еден возач на камион – беа евакуирани.

Бродот, кој плови под грчко знаме, превезуваше речиси 200 камиони и автомобили. Евакуираните лица беа префрлени на друг брод, кој ќе ги однесе до блискиот остров Тинос. Според досегашните информации, нема повредени.

Грчката крајбрежна стража соопшти дека пожарот избувнал на палубата на фериботот, а на местото на настанот беа испратени пловни објекти на крајбрежната стража, противпожарни бродови и влекачи.

Според јавниот радиодифузер ERT, причината за пожарот засега е непозната, а операцијата за справување со ситуацијата е во тек.

Ноќно студио

Најнова епизода

Дали системот реагира навреме? Ноќно студио со обвинителката Спасенка Андонова

Сите епизоди →
Имате вест, приказна или проблем? Пишете ни