Францускиот претседател Емануел Макрон на вечерашната заедничка пресконференција по средбата со германската канцеларка Меркел во Тулуз повторно го повтори ставот дека засега ќе нема проширување на ЕУ со Северна Македонија и со Албанија.
– Ја споделувам истата геополитичка и стратешка визија со германската канцеларка. Сакам да испратам позитивен сигнал до овие лидери, но сериозно погледнато сега јас морам да им порачам: Овојпат нам ни е потребно малку повеќе време за да ги средиме работите во ЕУ – рече Макрон во Тулуз.
Макрон на прес конференцијата изјавил дека место за Западниот Балкан во ЕУ има, но сегашниот начин на пристапување на нови членки е апсурд.
Меркел, пак, остави надеж до петок за евентуални можни нови случувања.