Со оглед на тоа дека секојдневно студентите преку прозор го фрлаат ѓубрето, се создала мала депонија во домот „Пелагонија“. Откако сликата беше споделена во социјалните мрежи, целиот отпад беше исчистен, а Јавното претпријатие „Комунална хигиена“ интервенираше таму каде што имаше потреба.
Местото е расчистено, а директот на студентскиот дом, Бујар Муртезани ги предупреди студентите да внимаваат каде го фрлат отпадот, бидејќи, во спротивно ќе бидат казнети. Првата казна ќе биде опомена, втората – парична, а третата – ќе бидат избркани од студентскиот дом.
Местото го посетија градоначалникот на Град Скопје, Петре Шилегов и градоначалникот на општина Кисела Вода, Филип Темелковски.
Во студентскиот дом „Пелагонија“ сместени се 1000 студенти од неколку градови од Македонија.
РЕПОРТЕР: АФРИМ ЈОНУЗИ
