Српската премиерка Ана Брнабиќ е во Брисел на Самитот ЕУ-Западен Балкан
Премиерката на Србија, Ана Брнабиќ, на својот Инстаграм профил објави фотографии од, како што наведе, срдечната средба со претседателот на Франција, Емануел Макрон, во Брисел.
Да потсетиме, српската премиерка Ана Брнабиќ денеска во Брисел, во пресрет на почетокот на самитот ЕУ-Западен Балкан, изјави дека доаѓа со добри вести и резултати во однос на соработката меѓу Србија и ЕУ.
На прашањето на Танјуг што очекува од денешниот самит, Брнабиќ рече дека очекува и добри резултати и дискусии за новиот План за раст на Западен Балкан.
Пред почетокот на самитот, премиерката се сретна и со унгарскиот премиер Виктор Орбан и со еврокомесарот за проширување Оливер Вархељи со кои, како што рече, остварила добри средби.