Кредитирањето на стопанството се зголеми во мај годинава, јави албанската новинска агенција АТА.
Централната банка на Албанија објави дека вредноста на новите заеми дадени во мај 2022 година изнесува 21,6 милијарди албански леки, што е зголемување од 10,8% во споредба со мај минатата година.
Во првите пет месеци од годинава износот на новите кредити се искачи на 110,8 милијарди албански леки, што е годишен раст од 31%.
Новите кредити се највисоки во последните најмалку седум години, што ги потврдува позитивните трендови и покрај зголемените ризици за економијата поврзани со високата инфлација.
Зголемувањето на кредитите е забележливо во сите поголеми пазарни сегменти и е доказ за солидна основа за раст. Приватните претпријатија дадоа голем придонес во растот на новите кредити годинава
(Оваа информација е дистрибуирана од БТА според договор со агенцијата АТА)
