„Никогаш нема да бидете сами. Ние разбираме дека борбата на Украина е дел од нешто поголемо. Американците ќе се залагаат за слобода и против агресорот. Ова е Америка и ова се Американци. Тоа ќе и помогне на Украина да се подготви за одбрана“. Ова го изјави американскиот претседател Џо Бајден на брифинг по средбата со Володимир Зеленски.
„Ќе испратиме артилерија и муниција“, додаде Бајден.
САД даваат 374 милиони долари за хуманитарна помош – за храна, медицинска помош, вода и топла облека.
Бајден му се заблагодари на Конгресот за поддршката на неговиот нацрт-закон за финансирање на Украина, кој вклучува „45 милијарди долари дополнително финансирање“.
„Знаеме дека Путин нема намера да ја запре оваа брутална војна. Украинците ќе продолжат да се борат се додека е потребно“, рече Бајден.
„Дојдов овде да им се заблагодарам на Американците кои толку многу ни помагаат. Оваа посета е историска за нашите односи – САД-Украина. Во текот на изминатите 300 дена, започнавме нов почеток со нашите односи со САД. Навистина станавме партнери и сојузници“, рече Зеленски.
„Му благодарам на Бајден за неговата поддршка за Украина. Ова е многу корисно за нас“, рече Зеленски.
„Бајден и јас разговаравме за нашите потези за следната година. Се надевам дека Конгресот ќе го поддржи предлог-законот за 45 милијарди долари дополнителна хуманитарна помош за Украина“, рече Зеленски.
Претходно денеска Вашингтон одобри нов пакет воена помош од 1,85 милијарди долари. Во него се вклучени и современите системи за противракетна одбрана „Патриот“. Зеленски рече дека тие ќе бидат многу корисни за обезбедување на воздушниот простор на Украина.