Силен бурен ветер во Будва го симнал покривот од средното училиште „Данило Киш“ и од зграда во близина на Стариот град, при што оштетиле неколку автомобили.
На старата автобуска станица кај Стариот град ветерот ја однел покривната конструкција од блиската зграда и во таа прилика биле оштетени неколку автомобили, јави Подгорица вијести.
Будванската туристичка организација (ТО) соопшти дека поради силниот ветер вечерашната музичка програма на фестивалот „Јадрански стрит фуд“ е откажана.
Откажани се и детските програми кои беа планирани за денеска во рамки на манифестацијата „Биди во Будва“, информираат од ТО.