Една година откако бизнисменот Владимир Стајиќ, газдата на „Супертрејд“ го купи порталот „Нова“, сајтот од него го купи главниот и одговорен уредник на „Цивил медиа“ и на Фронтлајн“, Џабир Дерала, објави Призма.
Тој ја потврди информацијата за БИРН.
„Јас сум новиот сопственик на Нова ТВ и со посебна чест го преземам тој предизвик“, ни рече Дерала и посочи дека порталот го купил како физичко лице, односно, како што вели, „со свои пари“.
Промената во Централниот регистар, како што кажа, ќе биде направена на 31 август.