Познатиот актер Џони Деп конечно доби можност за пресврт во разводната парница, против поранешната сопруга Амбер Хард.
Оваа приказна трае од 2016 година, кога неговата сопруга поднесе барање за развод и го обвини Деп за насилство.
Деп и неговите адвокати тогаш ги отфрлија обвинувањата, тврдејќи дека Хард само се обидува да профитира, но, наскоро беше постигната и спогодба од седум милиони долари, за која Хард тврдеше дека ќе ги донира на Сојузот за граѓански слободи на САД и Детската болница во Лос Анџелес.
Сега Деп бара да се открие дали неговата екс сопруга го одржала тоа ветување, а неговиот адвокат Ендрју Калдекот тврди дека оваа ветена донација била „пресметана и манипулативна лага“, која од самиот почеток имала за цел да го уништи Деп.
Судот во Њујорк делумно го уважи барањето на правниот тим на Деп и ќе наложи американскиот Сојуз за граѓански слободи да ги објави документите кои потврдуваат дека Хард го исполнила својот дел од спогодбата.
Ако се покаже дека Хард не ги дарувала парите, Деп и неговиот правен тим ќе имаат аргументи против неа, во негова корист.
Спогодбата беше постигната во август 2016 година, а три години подоцна Деп го тужеше британскиот таблоид „Сан“ за пишување дека ја малтретирал својата сопруга. Тоа доведе до судење во 2020 година, кое Деп го загуби.
