AlbanianBulgarianEnglishGreekMacedonianSerbianTurkish

Џонсон го збуни Твитер со снимки за кампања – Граѓаните пишуваат: Што е ова?

Британскиот премиер Борис Џонсон во саботата истакна дека е одлучен да донесе „промени на подобро“ по Брегзит, и во таа прилика објави две видеа на Твитер.

Неговите следбеници на социјалната мрежа набрзо реагираа и коментираа дека се збунети од неговите шеги за кампањата.

Користејќи ги намирниците како инспирација, Џонсон во едно од видеата премачкува тост со путер и вели: „Build Back Butter“.

Додека гледаше кон камерата, британскиот премиер изгледаше задоволен од својата духовитост.

Во друго видео, Џонсон повторно седи на масата и ја одмотува храната. Пред да почне да јаде, го изговара својот нов слоган.

Следбениците во коментарите му рекоа дека се збунети од неговите видеа, и многумина почнаа да го критикуваат и исмеваат.