На паркиралиштето на Гранит во Дојран денеска и утре ќе се одржи првото издание на „Мандра фест“ со настап на музички ѕвезди од земјава и Балканот, кои на присутните туристи и гости ќе им го понудат најдоброто на музички план за прослава на Илинденските празници.
Вечерва,на првиот ден од фестивалот на музичкиот подиум во Дојран ќе се појават Петар Грашо, Пајак и Адил,а утре вечер на сцената ќе настапат Жељко Самарџиќ, Луна и Тракер, Раста и Блу бенд.
-Понудата на музички жанрови ќе биде голема и за сите вкусови на присутните гости во Дојран кој претставува одлична дестинација доколку сте љубители на езеро,добра храна и музика, велат организаторите.
Цената на билетите за една вечер изнесува 300 денари,а блок влезницата за двете вечери се продава по 500 денари.