„Зелениот бек“ мораше да се признае дека беше под притисок на почетокот на оваа недела, поради односот на неколку функционери на ФЕД
Во работната недела што е зад нас, вредноста на доларот во однос на кошничката на светските валути е зголемена, бидејќи инфлацијата во САД е се уште висока, па се очекува ФЕД да ги задржи високите каматни стапки подолго од очекуваното.
Индексот на доларот, кој ја следи вредноста на американската валута во однос на шесте најважни во светот, во последните денови зајакна за 0,5 отсто, на 106,65 поени.
Истовремено, доларот зајакна за 0,7 отсто во однос на европската валута, па цената на еврото се лизна на 1,0510 долари.
Инаку, „зелената банкнота“ беше под притисок на почетокот на неделава, бидејќи повеќе функционери на американската централна банка порачаа дека, можеби, клучните каматни стапки не треба дополнително да се зголемуваат.
Сепак, во втората половина од неделата, доларот закрепна бидејќи американската инфлација се чинеше дека останува висока. Во септември, имено, потрошувачките цени се зголемени за 0,4 отсто на месечно и 3,7 отсто на годишно ниво, што е повеќе од проценките на аналитичарите.
Основната стапка на инфлација, без цените на храната и енергенсите, очекувано се зголеми за 0,3 отсто на месечно и 4,1 отсто на годишно ниво… А како е за тоа време на Стариот континент?
Според податоците од септември, инфлацијата во Европа во август изнесувала 5,2 отсто, што е благо намалување во однос на 5,3 отсто во јули. Годишната инфлација во ЕУ во август изнесуваше 5,9 отсто.
