Илјадници луѓе се собраа во неделата вечерта на седмиот протест по изборите одржани на 17 декември, за кои опозицијата тврди дека се украдени и бара поништување, а кога толпата се обиде да влезе во зградата на градското собрание, стаклото на влезната врата и стаклата на страничните стакла биле искршени.
Медиумите го најавуваат обраќањето на претседателот на Србија, Александар Вучиќ за вечерва.
Вучиќ претходно денеска ги отфрли приговорите и обвинувањата дека изборите на 17 декември биле нерегуларни и украдени, нарекувајќи ја опозицијата „лажговци“ и најави конституирање на парламентот до крајот на јануари, а новата влада во февруари, но не ја исклучи можноста за повторување на изборите во Белград.
#update Lazović: Policija i žandarmerija ne treba da budu u Skupštini https://t.co/1rGRBCPLfD pic.twitter.com/igjCpqeehm
— TV N1 Beograd (@n1srbija) December 24, 2023
Вечерашниот протест започна пред седиштето на државната изборна комисија, а потоа толпата се пресели пред собранието во Белград.
При обидот за влез во објектот било скршено стаклото на влезната врата и два странични стакла.
Večeras ispred Skupštine Beograda! pic.twitter.com/2fxrgpMwSU
— TV N1 Beograd (@n1srbija) December 24, 2023
На внатрешната страна на вратата има полициски сили со опрема за немири, штитови и шлемови за да ја спречат толпата да влезе внатре.
Еден од обезбедувачите претходно побара од демонстрантите да се засолнат и ги предупреди дека прават „криминален чин“.
Заедно со скандирањата „влези, влези“ и „излези“, од толпата се слушаат и пцовки упатени кон претседателот на Србија, Александар Вучиќ.
Лидерите на опозициската коалиција ги поканија граѓаните да им се придружат.
