Пожарникарите го пронајдоа авионот што денеска се урна во близина на Загреб. Според неофицијални информации, едно лице загинало, а три се повредени.
На местото веднаш биле испратени бројни спасувачки и медицински екипи. Подигнати се и дронови, се прават обиди да се стигне до местото на несреќата.
Владимир Кинѓерски, директор на аеродромот Лучко, за хрватските портали потврдил дека потрагата е во тек.
– Во моментов имаме потрага – кратко рече и го заврши разговорот.
Авионот кој се користел за скокови со падобран е лоциран, а во моментов се пристапува кон жртвите.
-Падна набргу по полетувањето, а се работи за авион Цесна – изјави Марин Лукас, шеф на станицата HGSS во Загреб.