Европската комисија го следи процесот во Македонија за францускиот предлог за преговарачката рамка, изјави портпаролката за проширување на Комисијата Ана Писонеро.
Таа посочи дека тие следат дека во моментот траат консултациите а дека одлуката дали ќе се почнат преговорите е суверено право на Македонија.
„По испраќањето на ревидираниот француски предлог, видовте дека премиерот Ковачевски најави широк процес на консултации со сите релевантни чинители. Овој консултативен процес е во тек и се разбира одлуката за овој ревидиран предлог е суверена одлука на Северна Македонија, одблиску ги следиме настаните и дебатите кои се одвиваат“, вели Ана Писонеро.