Европската комисија најави создавање на паневропска платформа за регистрација на украинските бегалци сместени во ЕУ. Се забележува дека на тој начин целта е да се избегнат можни злоупотреби.
Земјите од ЕУ ќе можат да разменуваат податоци за бегалците регистрирани во нивните регистри на кои им е одобрена привремена заштита според националните мерки. Податоците ќе се разменуваат во реално време за бегалците да можат да ги уживаат своите права насекаде во ЕУ, како и да избегнат упис во повеќе од една земја, се вели во соопштението.
Според ОН, повеќе од 6,8 милиони бегалци ја напуштиле Украина од почетокот на војната, а околу пет милиони пристигнале во ЕУ. Повеќе од 3,6 милиони се згрижени во Полска, а потоа следат Романија (990.000), Унгарија (683.000) и Словачка (461.000).
Во април, ЕУ одобри 3,4 милијарди евра предфинансирање за земјите од ЕУ кои ги засолниле украинските бегалци. Воведена е проценка од 40 евра неделно за примен бегалец, што ги покрива трошоците за 13-неделен престој од датумот на пристигнувањето на Украинците. Претходно Советот на ЕУ појасни дека околу 17 милијарди евра ќе бидат издвоени од неискористени и пренасочени буџетски средства за задоволување на потребите на бегалците од Украина.
