Европската служба за надворешни работи (ЕЕАС) денес го покани иранскиот амбасадор во Европската Унија на разговор, изјави за Ројтерс функционер на ЕУ, додека неколку земји-членки ги поканија и иранските амбасадори во тие земји.
Претседателката на Европската комисија, Урсула фон дер Лајен, ја осуди употребата на прекумерна сила во масовните протести во Иран, истакнувајќи дека бројот на жртви е „застрашувачки“.
Порано денес, неколку земји-членки на ЕУ, вклучувајќи ги Шпанија, Франција, Белгија и Чешка, исто така ги повикаа иранските амбасадори, како дел од поширокиот дипломатски притисок поради насилното задушување на протестите во Иран и растечките барања ЕУ да ги заостри санкциите врз Техеран.
