Со свечена церемонија вчера завршија Олимписките игри кои се одржуваа во Токио, а ова беа првите кои се одвиваа во време на пандемија.
Иако беа одложени, сепак се одржаа една година подоцна од предвиденото.
Токму на овие игри САД и Американците освоија вкупно 113 медали во сите спортови, од кои 39 се златни, 41 сребро и 33 бронзи.
На второ место е секако Кина со 88 освоени медали (38 златни, 32 сребрени и 18 бронзи).
Домаќинот Јапонија заврши како третопласиран со вкупно 58 медали.
Нашата земја го заврши пласманот на 77 позиција со еден освоен медал во таеквондо. Сребрениот медал го освои Дејан Георгиевски.