Портпаролот на Европската комисија, Томас Рение, денеска изјави дека Европската комисија била мета на сајбернапад.
„Европската комисија презеде неопходни чекори како одговор на откриената сајберкампања. Биле нападнати одделни системи и, согласно нашата вообичаена практика, ги известивме засегнатите лица“, изјави Рение, пренесува Ројтерс.
Претставник на Европската Унија за „Политико“ изјавил дека Европската комисија била цел на сајбернапад при кој можеби била загрозена голема количина лични податоци.