Европските метрополи се подготвуваат за Божиќ. Во Словенија, Белгија и Естонија ги вклучија празничните светла.
Декорацијата во Љубљана вклучува 50 километри божиќни светилки. За да се заштеди струја, светилките на места ќе светат 10 часа дневно, а не 24 часа.
Во центарот на Брисел сега е осветлена и елката, а празничната атмосфера ја надополнува и традиционалниот божиќен пазар.
Плоштадот пред градското собрание во Талин е претворен во зимска земја на чудата.
Традиционално, централно место зазема раскошно украсената елка.
На Стариот плоштад во чешкиот главен град Прага беше отворен традиционалниот божиќен пазар.