Социјалната мрежа Фејсбук повторно се соочува со технички проблеми, поради кои голем број корисници ширум светот во моментов не можат да влезат во своите профили.
Најмногу е засегната верзијата за персонални компјутери, а дел од корисниците пријавуваат потешкотии и со мобилната апликација.
При обид да се најават, на корисниците им се појавува пораката: „Профилот е привремено недостапен. Вашиот профил моментално не е достапен поради проблем со страницата. Очекуваме проблемот наскоро да биде решен. Обидете се повторно за неколку минути.“
Според интернет-страницата „Даундетектор“, прекинот е забележан околу 9 часот, по што бргу пристигнаа пријави од корисници од повеќе земји низ светот.
Последен пат Фејсбук имаше сличен глобален прекин на 12 јуни, кога платформата не функционираше на ниту еден уред.