Професорот и експерт за надворешна политика Едвард Џозеф во интервју за ТВ21 истакна дека Францускиот предлог бил неправеден.
„Проблематичен е и сите треба да го разберат тоа“, вели Џозеф.
На модераторско прашање за тоа дали постоел простор истиот да се одбие и да се побара нов, Џозеф вели дека тоа не е така едноставно, не може да се каже дека би можел да се одбие.
„Да бидеме реалистични. И да разбереме позицијата на Владата. Да го одбиевте, тогаш Бугарија можеше да каже дека проблемот е во вас. Дека тие се оние кои сакаат да постигнат компромис, а дека вие сте тие кои прават проблеми. Не е толку едноставно да се каже дека го одбиваме… Да бидеме искрени. Ова не е Преспанскиот договор. Ниту Охридскиот договор. Ова не е договор каде едната страна ги изложува своите проблеми и грижи и другата страна го прави истото и двете страни кажуваат што можат да направат. Веќе го пробавте тоа“, вели Џозеф.
Професорот објасни и што е неправедно во овој предлог.
„Еве што е неправедно тука. Процесот беше неправеден. Тоа беше процес каде Бугарија излезе во предност по Договорот за пријателство. Веќе потпишавте Договор за пријателство, а тие не го почитуваат Договорот за пријателство и тоа е факт. Не делуваат во духот на пријателството, туку во духот на „Ние сме во ЕУ, а вие сте кандидати и ние ќе ви кажуваме што да правите“. Така не се однесуваше Грција“, додава Џозеф.