Фудбалерите и стручниот штаб на АЕК му оддадоа почит на грчкиот навивач кој беше убиен во судир меѓу хрватски и грчки хулигани во понеделникот вечерта. Фудбалерите на грчкиот шампион запалија свеќи и положија жолти цветови пред стадионот на кој вечерва требаше да се одигра натпреварот меѓу АЕК и Динамо.
Да додадеме дека грчката полиција наведува дека напаѓачот оставил ДНК на починатиот навивач. Се трага по нож кој бил фрлен и сокриен како клучен доказ за убиството. Сепак, според последните информации од Атина, полицијата има отпечатоци од убиецот и тој е грчки државјанин, јавува Дневник Нова ТВ од Атина.
Да потсетиме, во синоќешната тепачка заедно со Бад Блу Бојс учествуваа навивачите на Панатинаикос кои имаат пријателски односи со ултрасите на Динамо и се големи градски ривали со навивачите на АЕК, а неколку навивачки сајтови објавија видеа на кои се гледа дека тие се еден од лидерите. Напади.