Германија и сите 16 покраини донесоа заедничка одлука за тоа од денеска граѓаните да не можат да посетат кафеана или кино доколку немаат доказ за вакцинација, негативен тест или потврда за прележан ковид.
Според договорот, овие правила се однесуваат на клиниките, домовите за стари лица, спортски сали, базени, фризери, хотели, ресторани и разни настани, пишува Дојче веле.
Инаку, правилото е наречено „3G” бидејќи на германски јазик сите три збора – вакцинирани, тестирани и излечени – почнуваат со буквата „g” (geimpft, getestet, genesen).