Новиот градоначалник на Скопје, Орце Ѓорѓиевски вечерва пристигна на акцијата за чистење на градот и порача дека отстранети се од работа 371 лице од јавните претрпијатија.
Како што вели, лицата не оделе на работа или го злоупотребиле своето работно место.
Тој најавува и дека проверките ќе продолжат и во следниот период.
Ѓорѓиевски посочи и дека има информација за можни финансиски малверзации во Комунална хигиена.
„Денеска до мене стигна една информација поткрепена со документи и ги повикувам вечерва надлежните институии да постапат, а тоа е дека биле ангажирани возила за чистење во „Комунална хигиена“ и истите возила се плаќани на име на физички лица кои земале интелекуални услуги од пет до десет илјади евра“, рече Ѓорѓиевски.