Граѓаните од Визбегово протестираат, децата згрижени во домот прашуваат: „Зошто нас не нѐ сакаат“

Три деца кои се згрижени во домот за деца „Ранка Милановиќ“ во Визбегово утрово се префрлени во друг дом, бидејќи жителите излегоа на протест против децата.

Тие се жалат дека во вечерните часови децата се шетаат по куќите и прават проблеми. Додаваат дека постојано им бараат цигари и алкохол, а правеле штета и врз недвижниот имот.

Директорката на домот ги отфрла овие наводи на мештаните и вели дека три деца се згрижени во домот и не прават проблеми. Таа додава дека досега нема ниту една пријава кај нив ниту во МВР за некакви проблеми направени од децата.

Утрово децата биле префрлани на друга локација каде ќе останат до завршување на протестот, по што ќе бидат вратени во домот „Ранка Милановиќ“ во Визбегово.

Извор: ТВ21