По гласањето во мај, владејачката „Нова демократија“ нема да се согласи на коалиција, сака да биде првата политичка сила и Кирјакос Мицотакис да биде премиер
Повеќе од 99 отсто од услугите што им се даваат на грчките граѓани и претпријатијата од јавниот сектор во Грција ќе станат целосно дигитални во следните четири години, изјави министерот за дигитална политика Киријакос Пиеракакис во телевизиско интервју за грчкиот телевизиски канал Ска.
Треба да се дигитализираат околу 4.000 услуги за постапки меѓу државата и граѓаните и меѓу државата и јавните претпријатија, рече Пиеракакис.
„Сите овие проекти се тендерирани и финансирани од Фондот за закрепнување и отпорност (РРФ) и би можеле да бидат готови во 2027 година“, рече грчкиот министер за дигитална политика.
Киријакос Пиеракакис го спомена и големиот одзив на грчкиот народ кој „го прифати напредокот во дигиталните услуги за граѓаните и бизнисите“. Според него, тоа е очигледно од присуството на повеќе од 1.530 услуги обезбедени на владината веб-страница gov.gr и 1,2 милијарди дигитални трансакции годинава.
Во однос на создавањето центар за повици во кој секој граѓанин ќе може да се распрашува за кој било случај поврзан со јавниот сектор, Пиеракакис истакна дека на земјата и треба единствен центар за повици за да може секој случај да биде доделен на еден јавен функционер. Тој рече дека овој проект е пред тендер, ќе биде финансиран од Фондот за обнова и може целосно да биде готов во рок од три години.
Во врска со претстојните парламентарни избори на 21 мај, министерот рече дека пратениците од владејачката партија Нова демократија нема да се согласат на коалиција и дека соработката може да има само „ако сме прва партија, со Кирјакос Мицотакис на премиерската функција“.