Трет ден продолжува битката со пожарите на трите главни фронта во Грција кои се уште траат, во западна Атика, Лутраки и Родос. Ноќта беше многу тешка во сите три области, а штом осамна денот повторно се активираа воздушните средства, објави грчкиот весник „Катимерини“.
Како што изјави претпладнево претставникот на Противпожарната служба, Василис Ватракојанис, на три главни фронта дејствуваат силни противпожарни сили и засилени авијациски средства.
Пет авиони и осум хеликоптери беа распоредени во западна Атика, четири авиони и три хеликоптери во Лутраки и три авиони и три хеликоптери на Родос.