Православните верници ширум земјава и светот ја дочекуваат најрадосната вест – Христос воскресе. Со полноќните богослужби и традиционалното поздравување „Навистина воскресе“, започнува одбележувањето на Велигден, празникот на победата на животот над смртта.
Во храмовите се служат свечени литургии, а верниците палат свеќи како симбол на светлината и надежта. Велигденските обичаи продолжуваат и во домовите, со црвени јајца како симбол на новиот живот и обновата.
Пораките годинава повторно се насочени кон мир, заедништво и солидарност, во време на предизвици, но и надеж за подобра иднина.
